No items in cart

ტიხრული მინანქარი

  • 108
  • ბოლო განახლება May 27, 2024

კურსის შესახებ

პროგრამის მიზანია, მსმენელს შეასწავლოს შრომის უსაფრთხოების ნორმების დაცვა, სამუშაო ადგილის ორგანიზაცია, ტიხრული მომინანქრების ტექნოლოგია: სპილენძისა და ვერცხლის ზედაპირის მომზადება, ტიხრების დამზადება და დამაგრება ლითონის ზედაპირზე, მინანქრის საღებავების მომზადება და დადება ტიხრებში, მინანქრის  ნაკეთობების თბური და მექანიკური დამუშავება.


 პროგრამაში ისწავლება:

შრომის უსაფრთხოების ნორმების დაცვა;

სამუშაო ადგილის ორგანიზაცია;

ტიხრული მინანქრის ტექნოლოგიის გამოყენება: სპილენძის ტიხრული მინანქრის პანოს დამზადება, ვერცხლის მედალიონის (ბრტყელ მზა  სხმულში) ტიხრული მინანქრის დამზადება შემდეგი ეტაპების გათვალისწინებით:

სხვადასხვა ლითონის ზედაპირის მომზადება მომინანქრებისათვის (სპილენძი, ვერცხლი); 

ტიხრების დამზადება მზა ესკიზის მიხედვით;

ტიხრების დამაგრება ლითონის ზედაპირზე;

მინანქრის საღებავის დადება; 

ფერთა პალიტრის შედგენა; 

მინანქრის დადება; 

მინანქრის გაშრობა, გამოწვა, გაცივება;

მზა ნამუშევარის დამუშავება (გაქლიბვა, გაპრიალება), დეფექტების აღმოფხვრა.


​გამოყენებული მეთოდები:

პროგრამის სწავლებისას გამოიყენება თეორიული და პრაქტიკული სწავლების ფორმატი, პრაქტიკული უნარების გამომუშავებით, ადგილზე დასწრებით.


პროგრამაზე დაშვების წინაპირობა:

მინიმალური ასაკი 18 წელი;

ქალაქ თბილისში რეგისტრაცია;


პროგრამაზე მოხვედრის ეტაპები:

ონლაინ რეგისტრაცია;

დოკუმენტაციის გადარჩევა;

გასაუბრება;


სწავლის დაწყების თარიღი: 2024 წლის 13 მაისი;


სწავლების ვადა: 2 თვე, კვირაში 2-3 დღე;


დასაქმების სფერო: მინანქრის სახელოსნო, თვითდასაქმება.